خاطرة حول حملة الحرية والعدالة ٢

بقلم أ. معتز شقلب

مبارح بمدينة لاهاي
وقف معنا هولندين وأجانب وناقشونا بقضيتنا بطريقة ماشفتها قبل هلىء .
نحنا حملتنا مو جماهيرية ومو لأجل يطلع بالمظاهرة الف ويجو يهتفو قائدنا للابد سيدنا محمد .
.(عليه الصلاة والسلام) لانو ما لهيك طالعين بالحملة ..
نحنا عنا رسايل سياسية بدنا نوصلها للرأي العام .. وللنواب بالبرلمانات
للان ٣ اماكن رسمية وقفنا فين . (هذا يوم كتب المنشور)
بلدية باريس ووهو مكان سياسي خطير ولكن للأسف نحنا مابيعطونا موافقة بهالمكان . ولكن للاوكران عاطينن كل يوم اربعاء وبيجي نواب برلمان فرنسي ورؤوساء بلديات وأعضاء أحزاب بيطلعوا معن ..
وكانت دعاية النا كبيرة بمظاهرة باريس خصوصا انو بمظاهرة الاربعاء ٨ حزيران كان موجود نائب رئيس الوزراء الاوكراني ومعه مندوب من رئاسة الوزراء الفرنسية
المكان التاني
امام البرلمان الاوروبي وهو مكان سياسي بامتياز
وقفنا ووزعنا تقريبا ٥٠٠ بروشور مع معرض صور مع عرض شاشة .مع مرور ناس مميزين وهالشي باين من اهتمامهم بالبروشور وقراءته للاخير .
المكان التالت محكمة العدل الدولية وايضا مكان سياسي وتجمع قنصليات حوله ولكن المارة قليلين كونها منطقة سياسية ومعزولة امنيا ..
يلي بقول الاوكران بعمرهم ما ناصرو الثورة
مارح قله بيطلعوا معنا من الاول وكتير طلعنا سوا مظاهرات بفرنسا .
رح قله
هلىء هني مانن محتاجينك ولا سائلين عنك ..أوروبا كلها معهم
ولكن بكفي خصصوا مندوب يطلع معك بالحملة وبيعطوك بكل مظاهرة الهم كلمة وبرحبوا فينا …
مشكلة في عقول بعض السوريين الذين لا يفهمون بالعمل الثوري السياسي ولكن الاسف الأكبر ان بعضهم لسانه طويل ويحب ان يظهر جهله وسخافته علنا …

📸 الصور من باريس ولاهاي وأمستردام وهانوفر … من حملة الحرية والعدالة 2 التي لم تنتهي بعد …