من أحاديث العيد
2021م – 1442هـ

من أحاديث العيد (١)
#القضاء #العدل #الأمنيين

أنا: 🧔🏻 وينه أخوك على علمي انحكم اخلاء سبيل وأنت نزّلت حالة فرحان بذلك؟!!!

👨🏻 والله يا شيخي ما طالعوه😔

🧔🏻 أوف ليش؟!!… القاضي أخلا سبيله، وأصلا طلع عفو والدنيا أعياد.

👨🏻 قال في لجنة للموقوفين أمنيا بدها توافق على قرار القاضي أو ترده، وهنن الي بقرروا بإخلاء السبيل!

🧔🏻 عيوني أصلا الموقوفين أمنيا ما بينعرضوا على القاضي إلا إذا خلصوا الأمنيين كلشي بدهم اياه منهم بالتحقيق، والأمنيين فعلا اقتنعوا ببراءتهم، فبحولوهم للقاضي ليحكم شكليا ببراءتهم…

👨🏻 لكا ليش هيك عم يعذبونا شيخي؟!

🧔🏻 برأيي التفسير الحقيقي لهذه الإجراءات أن تعلموا أن الحُكمَ ليس لله ولا للشرع ولا للقانون بل هو للطواغيت الجدد الذين هم وأزلامهم أعلى من الشرع والقانون… كما كانت مخابرات بشار الأسد وأمنيوه.

عندما يكون القانون محترم، فالقاضي لايرد حكمه إلا قاضي بإستئناف وما شابه.. أما أن يُشترط لإنفاذ حكمه أن يوافق عليه من هم من خارج السلطة القضائية، وبغض النظر عن حكم الشرع، فهذا قضاء لا قيمة ولا احترام له، ونحن خرجنا ثورة منذ عشر سنوات للتخلص من هذه الحالة التي فيها أناس تحت الشرع وأناس فوق الشرع… ولذلك لازالت الثورة مستمرة ويجب أن تستمر حتى ننتهي من هذا…

وعلى كُلٍّ الأيام دُوَل، بس الناس لازم يرفعوا أصواتهم وما يسكتوا.

وكل عام وأنتم بخير

 

 – – – – – – – – –

من أحاديث العيد (٢)
جبل الزاوية وهتافات الثوار

☝️ يا الله … ضامن أعزل يا الله

هتاف لفت انتباهي في وقفة اعزاز اليوم تضامنا مع اهلنا في جبل الزاوية الذين يتعرضون لقصف النظام المجرم وحلفائه في ظل صمتٍ مريب… وحسبنا الله ونعم الوكيل.

 

 – – – – – – – – –

من أحاديث العيد (٣)
قزلات الضيعة وليبيا

🧔🏻شلون وضعك لازلت بنفس القرية؟

👨🏼 الحمد لله أمورنا تمام… بتعرف شيخي لنا عيدين ولأول مرة مابصير ولا مشكلة بالقرية!!

🧔🏻 الحمد لله شو السبب؟ عسى خير؟

👨🏼 والله يا شيخي أبو فلان مطلوب منه أعداد إلى ليبيا، مابقي ثرثري عنّا ما طلع معه لهناك، لأنه ابن بلدهم بأمنوا أنه مارح ينصب عليهم، لذلك كلهم تقريبا صاروا معه هناك، وسمعت أنه عم يعطوهم ١٥٠٠ ألف وخمسمئة دولار بالشهر…. الله يسعدهم ويبعدهم.

🧔🏻 هههههه، مصائب قومٍ عند قومٍ فوائدُ، بس الله يستر، إذا هدول سفراءنا وواجهتنا هناك معناها يمكن العلاقات ما بين شعبنا والشعب الليبي بدها تتخرب إلى ما شاء الله، وحسبنا الله ونعم الوكيل😫

 

 – – – – – – – – –

من أحاديث العيد (4)
إدلب وشرطة المرور

👨🏼‍🦱 بعد العشاء دورية مرور على دوار سرمدا
طلب الشرطي دفتر السيارة عطيتو الدفتر.

👮🏻قال لي: بتعرف شو مخالفاتك؟

👨🏼‍🦱 قلتلو لا والله خير شو في؟!!!

👮🏻عندك ضو اليمين الطقة الواطية مو شغالة!!

👨🏼‍🦱 صحيح ما ااقتنعت لأن باقي الأضوية والستوبات شغالة، بس قلنا يلا الجماعة بدهم يخففوا حوادث السير الي عم تصير لأن البعض ما بشغلوا أضوية… وأخذت حسبي الله.

👨🏼‍🦱 بس ما هون النكتة شيخي🥲….
النكته أنه بعد ما خالفوني انا وكذا شخص شغلو سيارة المرور اللي معن طلعت اضويتها كلها محروقة! 🤯😬🚓

أمّا شو همهم الأمان والسلامة!!!!🤨😎💰