تجمع دعاة الشام الكلمة الطيبة والعمل الصالح
✍️ بقلم ثائر
(تعليقا على الأحداث الأخيرة 1/10/2017م)
⛔️ عزيزي الناشط اللي كل ما عملت داعش شي حركة بتفوت بالحيط وما بقى تعرف تبايع إلا تنباع هدِّي شوي وخود نفس ولا كتير تنبحت.
⚠️ داعش اللي بدك تنفتن فيهم، دبحوا الثورة قبل ما يدبحوا الثوار، وخلُّوا أمم الأرض تدبحنا بحجتهم، مشان حضرة جنابهم يدبحوا كم صحفي ويسبوا كم ايزيدية.
⚠️ روسيا وإيران اللي كانوا عبقاتلونا من تحت الطاولة كشفوا وجههم وبلشوا خبط فينا بحجة داعش، وأمريكا صار لها حجة تترك النظام وتقول بدنا حرب عالإرهاب.
⚠️ انت يللي ذاكرتك متل السمك الغبي 🐠، مبارح الدواعش طلعوا من دير الزور والرقة وخلوها عالأرض وسلموها للنظام و قسد وهجروا أهلها وشردوهم وتركوهم بدون سلاح ، واليوم اذا اخذوا ضيعتين في البادية طار عقلك ما عاد يتحمل⁉️
⚠️ داعش اللي دبحت عسكريين مأنشحين لا تنسى أنها دبحت ٧٠٠٠ عنصر من الجيش الحر بحلب وريفها ويوم ما كنت حضرة جنابك محاصر بحلب كانو عبطبعوا دينار الخلافة وما شايفينك وكان فيهم يقطعوا خناصر اللي عرضه ٣ كم ويخلصوك لكن طلقة ما ضربوا مشانك يا دعدوش.
⚠️ داعش اللي من سنة بدت المعارك عليهم بقيوا ٣ سنين ما انضربت عليهم طلقة وكانت المعارك بدرعا والغوطة وحلب وإدلب والساحل عبتحطن الصحوات تبعك طحن.
⚠️ داعش اللي حضرة جنابك كانوا يبيعوك المازوت والبنزين من الآبار لأنو من جيب اللي خلفهم وأنت مشحّر منتوف!!
⚠️ داعش اللي اخذوا من العراق وسوريا مساحات أكبر من سوريا ومع ذلك بدل ما يتمدد قام تقلص وانحسر وتبدد..
⚠️ داعش اللي قضت عثورة العراق وشوهت ثورة سوريا ودمرت مدن السنة وخلت الشيعة يسرحوا ويمرحوا وقدمت اكبر خدمة للايراني كان يحلم فيها انو يهجِّر السنة ويدبحهم بحجة داعش
⚠️ داعش تبعك خلت العالم كلو يترك بشار وينشغل فيهم وتسكر مؤسسات الدعم ويعتقل الدعاة وتسكر مساجد ببلاد الغرب ويعتدى على محجبات بحجتهم.
⚠️ داعش مو شرط يكونوا مخابرات لكن كل أجهزة المخابرات استثمرت فيهم وقادتهم كل فترة بينشال واحد بالهلوكوبيتر 🚁 بس تنتهي مهمته ويبقى البغل دادي صامد لأن إذا مات بتنتهي الحجة.
⚠️ داعش تبعك ركبوا كمان باصات القلمون وهني مستولين على حي الحجر الأسود بالشام يعني بينهم وبين صليل الصوارم تبع بشار أمتار!!
⚠️ داعش هني اللي استقتلوا بالمفخخات على الجيش الحر ب مارع وحلب والغوطة والبادية والقلمون الشرقي
⚠️ داعش اللي قتلوا قادة وإعلاميين وناشطين كان النظام بدو ١٠٠ سنة ليوصلهم
😱 😱 بعد كل هاد بتجي حضرة جنابك وبتشتغل بوق متل / جعارة و خليل المقداد /
☝️طيب اذا عاجبينك تفضل روح بايعهم وريحنا منّك أو صير مدير مكتبهم السياسي والإعلامي … عم تغرر بالشباب الصغار الدراويش … وما عم تروح تبايع… ليش⁉️
فهمني ما بدك ليش⁉️
